Prummetat


För dr Deich:

  1.        e Pund Mähl
  2.        e Päckche Heff (Trockeheff)
  3.        e Ei
  4.        fuffzich Jramm Botter
  5.        fuffzich Jramm Zucker
  6.        e Veedel Liter Milch
  7.        jet Salz un jet afjerevve Zitronenschal


För dodrop:

  1.        Drei bes vier Pund Prumme
  2.        Zucker

    De Deichzotate wäde met dr anjewärmte Milch zum Deich verarbeit.
    De Deich muß dann jot zojedeck wäde, bes hä öntlich huhjekumme es.
    Hä wäd dann noch ens met de Häng öntlich durchjewalk un sulang met Mähl
    bestreut, bes hä nit mih kläv.
    Un dann wäd hä op en enjefett Blech usjerollt un met denne entkänte un
    jeveedelte Prumme belaat.
    Hä muß dann noch ens sing Rauh han un wärm ston.
    Dann kann hä koot un heftich afjebacke wede.
    Ävver nit de Ovvensdür zo fröh opmaache.